एमालेको प्रश्न- प्रधानमन्त्रीले भारतको जमिन मिचेका छौँ भन्दा ताली पिट्ने सांसद को हुन् ?

नेकपा एमालेले नेपालले भारतको जमिन मिचेको भन्ने प्रधानमन्त्री बालेन शाहको अभिव्यक्तिमा ताली पिट्ने सांसदहरू को हुन् भनेर प्रश्न उठाएको छ।

बिहीबार प्रतिनिधिसभामा बोल्दै एमाले प्रमुख सचेतक ऐनबहादुर महरले प्रधानमन्त्रीको उक्त अभिव्यक्तिलाई राष्ट्रहितविपरीत भन्दै त्यसमा समर्थन जनाउने सांसदबारे आम नागरिकले प्रश्न गरिरहेको बताए।

प्रधानमन्त्री बालेन शाहले जेठ १७ गते प्रतिनिधिसभामा दिएको अभिव्यक्तिप्रति विपक्षी दलहरूले निरन्तर आपत्ति जनाउँदै आएका छन्। यस विषयमा शिशिर खनाल ले बुधबार जवाफ दिए पनि विपक्षी दलहरू सन्तुष्ट छैनन्।

उनीहरूले प्रधानमन्त्रीले नै आफ्नो अभिव्यक्ति सच्याउनुपर्ने माग दोहोर्‍याएका छन्।