कोशीमा फेरि रडाको, माओवादीलाई सरकारमा समेट्न खोज्दा एमाले तर्कियो

यो समाचार बर्णन मिडियाका प्रधान सम्पदक तथ संचालक नारायण प्रसाद दाहाल ज्युले लेख्नु भएको हो।
 

गएको एक वर्षदेखि कोशी प्रदेशको सरकार तदर्थ शैलीमा चलिरहेको छ । यसबीचमा ५ पटक सरकार हेरफेर भए । तीनवटा मुख्यमन्त्री फेरिए । केन्द्रीय सत्ता गठबन्धनसमेत सरकार चलाउन असफल भएपछि कांग्रेसको एक विद्रोही खेमाले एमालेको साथ दिएर सरकार बनाएको छ । 

तर, नेकपा एमालेले भने कांग्रेसबाहेकका कुनै पनि दललाई सरकारमा सहभागी गराए स्वीकार्य नहुने र त्यसो गरिए आफू सरकार छाडेर प्रतिपक्षमा बस्ने चेतावनी दिएको छ ।बुधबार मुख्यमन्त्री कार्कीलाई भेटेरै एमालेका नेताहरूले तत्काल सरकार विस्तार गर्न र पूर्वसहमति पालना गर्न ध्यानाकर्षण गराएका छन् । उनीहरुले मुख्यमन्त्री बनाउँदा जे सहमति भएको छ, त्यसैअनुसार कार्यान्वयन होस् भनेर चेतावनीको भाषा प्रयोग थिए । ‘गठबन्धनलाई सरकारमा ल्याए हामी तत्काल सरकार छाड्छौँ र प्रतिपक्षमा बस्छौं,’ उनीहरुको भनाइ थियो ।

बाँकी मन्त्रिमण्डल विस्तारको लागि एमालेले मुख्यमन्त्री कार्कीलाई दबाब दिइरहेको छ । त्यसका लागि उसले नामसमेत टुंग्याएर दिइसकेको छ । यसअघिकै सरकारमा रहेका मन्त्रीलाई पुनः सरकारमा सामेल गराउन भनिसकेको नेताहरुले बताएका छन् । यसअघिका मुख्यमन्त्री हिक्मतकुमार कार्कीका पालामा पाँचकर्ण राई, तिलकुमार मेन्याङ्बो, बुद्धिकुमार राजभण्डारी, एकराज कार्की, लीलाबल्लभ अधिकारी मन्त्री थिए । 

यसकारण पनि एमालेले गठबन्धनलाई कोशी सरकारमा सहभागी गराउन चाहेको छैन । र, आइतबारसम्म मन्त्रिपरिषद विस्तार हुने विश्वास लिएको छ ।तर, मुख्यमन्त्री कार्की भने प्रधानमन्त्री पुष्पकमल दाहालकै शैलीमा सहमतिको रटान लगाइरहेका छन् । दाहालले एमालेको साथ लिएर प्रधानमन्त्रीको कुर्सी हात पारिसकेपछि कांग्रेस नेतृत्वको गठबन्धनतिर लागेका थिए । प्रचण्डपथको त्यही अनुशरण कोशीमा केदार कार्कीले गर्दै छन् र एमाले पुनः जिल्लिँदै छ । माओवादीले पनि गठबन्धनलाई साथ नलिए मुख्यमन्त्रीले सरकार चलाउनै नसक्ने भन्दै अप्रत्यक्ष चेतावनी दिइरहेको छ ।