नयाँ कीर्तिमान राखेका मोदीलाई प्रधानमन्त्री बालेनले दिए बधाई

प्रधानमन्त्री बालेन्द्र शाह (बालेन)ले भारतीय प्रधानमन्त्री नरेन्द्र मोदीलाई  भारतको इतिहासमा लामो समयसम्म निर्वाचित प्रधानमन्त्री बन्न सफल भएकोमा बधाई दिएका छन् ।

 

 

बुधबार प्रधानमन्त्री तथा मन्त्रिपरिषद् कार्यालयको आधिकारीक एक्स ह्यान्डलबाट मोदीलाई बधाई दिइएको हो । साथै मोदीको स्वास्थ्य र भारतीय जनताको निरन्तर प्रगति एवं समृद्धिको कामनासमेत गरिएको छ। 

 

स्टाटसमा भनिएको छ, ‘हामी हाम्रो सम्बन्धलाई एकदमै महत्त्व दिन्छौँ र त्यसलाई अझै बलियो बनाउन तत्पर छौँ।’

भारतको लोकतान्त्रिक इतिहासमा मोदीले लगातार निर्वाचित प्रधानमन्त्रीमा सबैभन्दा बढी समय काम गर्ने प्रधानमन्त्रीको रेकर्ड बनाएका छन् । उनले भारतका पहिलो प्रधानमन्त्री जवाहरलाल नेहरुको ६ दशक पुरानो रेकर्ड तोडेका हुन् ।

मोदी लगातार प्रधानमन्त्री बनेको बुधबार ४ हजार ३९९ दिन पूरा भएको छ । जबकि नेहरुको कार्यकाल लगातार ४ हजार ३९८ दिनको थियो । प्रधानमन्त्री नरेन्द्र मोदी २०१४ मे २६ मा पहिलोपटक प्रधानमन्त्रीको शपथ लिएका थिए। त्यसपछि उनी लगातार प्रधानमन्त्री छन्।