गर्मी मौसमसँगै अण्डाको उत्पादन घट्दा मूल्य बढ्यो

गर्मी मौसमसँगै अण्डाको उत्पादन घट्दा मूल्य बढेको छ ।

नेपाल लेयर्स कुखुरापालक संघले आज अण्डाको समर्थन मूल्य बढाएको छ । संघका अनुसार ठूलो अण्डा ५१५ प्रतिक्रेट ९३० वटा० र मध्यमको ४८५ फार्मदर कायम गरिएको छ ।

संघका सचिव मदन पोखरेलका अनुसार उपभोक्ता मूल्य प्रतिगोटा २५ कायम गरिएको छ । यसअघि ठूलो अण्डा ४८५ र मध्यम अण्डा ४३५ कायम गरिएको उनले बताए । नेपाल लेयर्स कुखुरापालक सङ्घका अध्यक्ष विनोद पोखरेलले दुई दिने बिदाले पर्यटक बढ्दा खपत बढ्नुका साथै गर्मीका कारण अण्डा उत्पादन घटेकाले माग बढ्न गई मूल्य बढेको बताए । उनले भने, “किसान कुखुरापालन पेसाबाट पलायन हुँदा जनशक्तिको अभाव छ । कुखुरामा विभिन्न रोग लागेर मरेका छन्, जसले अण्डाको उत्पादन घटेको छ ।”

अण्डाको लागत मूल्य प्रतिगोटा १९ रुपैयाँ १२ पैसा पर्ने जनाउँदै अध्यक्ष पोखरेलले किसानले अझै लागत मूल्य पाउन नसकेका बताए । अण्डा उत्पादन गर्दै आएका विभिन्न कृषि फार्मले जारी गरेको मूल्यको आधारमा नेपाल लेयर्स कुखुरापालक सङ्घले समर्थन मूल्य जारी गर्दै आएको उनले जानकारी दिए ।