आज कतिमा हुँदैछ सुनको कारोबार?

तीन दिनदेखि स्थिर रहेको सुनको मूल्य आज बढेको छ। 

आइतबारदेखि मंगलबारसम्म स्थिर रहेको सुनको मूल्य आज (बुधबार) प्रतितोला ६ सय रुपैयाँले बढेको नेपाल सुनचाँदी व्यवसायी महासंघले जनाएको छ। 

आज छापावाल सुनको मूल्य एक लाख ४१ हजार ६ सय रुपैयाँ कायम भएको छ। त्यसैगरी तेजावी सुनको मूल्य एक लाख ४० हजार नौ सय रुपैयाँ कायम भएको छ। 

चाँदीको मूल्य पनि आज तोलामा पाँच रुपैयाँ बढेको छ। आज चाँदी एक हजार ८ सय २० रुपैयाँमा कारोबार भइरहेको छ। 

जेठ २५ गते १ लाख ४५ हजार रुपैयाँ प्रतितोला कारोबार भएको सुन २६ गते घटेर १ लाख ४१ हजार रुपैयाँमा झरेको थियो। सोमबार र मंगलबार पनि सुन यही मूल्यमा कारोबार भएको थियो। 

हिजो चाँदी १ हजार ८ सय १५ रुपैयाँमा कारोबार भएको थियो।