उत्तरपश्चिमी पाकिस्तानमा भारी वर्षा, ४ जनाको मृत्यु

पाकिस्तानको उत्तरपश्चिमी खैबर पख्तुनख्वा प्रान्तको बन्नू जिल्लामा भएको भारी वर्षाका कारण ४ जनाको मृत्यु हुनुका साथै १६ जना घाइते भएको क्षेत्रीय अधिकारीहरूले शनिबार बताएका छन् ।

प्रान्तीय विपद् व्यवस्थापन प्राधिकरणले पाकिस्तानको विभिन्न क्षेत्रहरूमा आएको तीव्र हावाले धेरै घरहरूमा क्षति पुर्याएको बताएको छ । जसको परिणामस्वरूप स्थानिय बासिन्दाहरूको मृत्यु तथा घाइते भएका छन् । गम्भीर मौसमले पशुधनकोसमेत क्षति पनि निम्त्याएको प्राधिकरणले जनाएको छ ।

स्थानीय अधिकारीहरू र आपतकालीन एजेन्सीहरूले प्रभावित क्षेत्रहरूमा राहत कार्यहरू जारी राखेका छन्, भने क्षति र क्षतिको मात्र निर्धारण गर्न मूल्याङ्कन भइरहेको बताइएको छ । प्राधिकरणले बासिन्दाहरूलाई प्रतिकूल मौसमको समयमा सावधानी अपनाउन र भत्किने जोखिममा रहेका भवन तथा संरचनाहरूबाट टाढा रहन आग्रह गरेको छ ।