बंगुरको मासु खाँदा एकै गाउँका १६ जना बिरामी

काठमाडौं । नवलपरासी (पूर्व) मा बंगुरको मासु खाँदा १६ जना बिरामी परेका छन् ।

नवलपरासी (पूर्व) को कावासोती नगरपालिका–१४ हेगौलीमा गत जेठ २३ गते बंगुर काटेर भोज लगाएका थिए । १०५ घरघुरीका मानिसहरु मिली भोज लगाएकोमा १६ जनामा स्वास्थ्य समस्या देखिइ अस्पताल भर्ना भएका छन् ।

उनीहरुमा ज्वरो आउने, बान्ता हुने, पखाला लाग्ने समस्या देखा परेको प्रहरीले जनाएको छ ।

प्रहरीका अनुसार उनीहरुको स्थानीय प्रहरीको सहयोगमा मध्यविन्दु प्रादेशिक अस्पताल डण्डामा लगि उपचार भइरहेको छ ।