नवप्रवर्तन मन्त्री पुनले यसपालि पनि मन्त्रालयमै आवास बास

 विज्ञान, प्रविधि तथा नवप्रवर्तन मन्त्री महावीर पुनले यसपालि पनि मन्त्रालयमै आवास बनाएका छन् । यसअघि सुशीला कार्की नेतृत्वको सरकारमा शिक्षा मन्त्री हुँदा पनि मन्त्रालयमै अस्थायी आवास बनाएर बसेका थिए ।  

यसपालि पनि उनी मन्त्रालयमै बसेका छन् । मंगलबार शपथग्रहण गरेका उनी बुधबारै सिंहदरबारभित्र रहेको विज्ञान, प्रविधि तथा नवप्रवर्तन मन्त्रालयमा बस्ने प्रबन्धसहित गएका हुन् । 

मन्त्री पुन यसपालि सरकारी क्वार्टरमै बस्ने मनस्थितिमा रहेको भए पनि उक्त क्वार्टर नभएपछि मन्त्रालयकै कोठालाई क्वार्टरका रूपमा प्रयोग गरेका छन् । 

भैसेपाटीस्थित मन्त्री क्वार्टरहरु गत भदौ २४ गतेको जेन-जी आन्दोलनका क्रममा जलाइएको थियो । 

उनी यसअघि राष्ट्रिय आविष्कार केन्द्रमा बस्दै आएका थिए ।