ब्रेकअपपछि पनि गहिरो प्रेममा अर्जुन-मलाइका, ‘प्रेमपूर्ण’ सन्देश साटासाट

काठमाडौँ, ६ कात्तिक : बलिउड अभिनेत्री मलाइका अरोडा आफ्नो ५२ औँ जन्मदिन मनाउँदै छिन्। यसबिच उनका पूर्वप्रेमी अर्जुन कपूरले जन्मदिनमा एउटा सुन्दर पोस्ट गरेका छन्। उनलाई जन्मदिनको शुभकामना दिँदै अर्जुनले उनको एउटा तस्बिर पनि पोस्ट गरेका छन्। मलाइकाले पनि अर्जुनको पोस्टको जवाफ दिएकी छन्। 

फ्यानले मलाइका र अर्जुन कपूरको सम्बन्ध समाप्त भए पनि उनीहरूको सम्बन्धको मिठास कायम रहेको भन्दै चर्चा गरिरहेका छन्। ब्रेकअप प्राय: तीतो भए पनि उनीहरू बिचको निकटता अलग्गिए पनि कायम छ। अर्जुनले आफ्नो इन्स्टाग्राम स्टोरीमा मलाइकाको एउटा सुन्दर तस्बिर सेयर गरेर एक नोट लेखेका छन्। 

उनले लेखेका छन्, ‘सधैँ उडिरहनुहोस्, मुस्कुराइरहनुहोस्, र सधैँ खोज गरिरहनुहोस्।’ मलाइकाले यस पोस्टमा हृदयको इमोजी सेयर गरेर धन्यवाद दिएकी छन्। हालसालै, ‘होमबाउन्ड’ को स्क्रिनिङमा दुवैलाई अँगालो हालेको अवस्थामा देखिएको थियो। 

हालै एक अन्तर्वार्तामा मलाइकाले आफ्नो जीवनको बारेमा प्रश्नहरूको जवाफ दिँदै भनेकी थिइन्, ‘म मेरो व्यक्तिगत जीवनको बारेमा कुरा गर्न कहिल्यै सार्वजनिक प्लेटफर्म रोज्दिन। त्यसैले अर्जुनले जे भनेका छन् त्यो पूर्णतया उनको अधिकार हो।’ 

ट्रोलिंगको बारेमा कुरा गर्दै उनले भनिन्, ‘मैले यसको सामना गर्ने तरिका फेला पारेको छु म बलियो रहनुपर्छ र यसलाई ममा आउन दिनु हुँदैन। मैले यो सबैबाट आफूलाई टाढा राख्ने तरिका पनि फेला पारेको छु।’ 

उनले अगाडि भनेकी थिइन्, ‘हो, यो हाम्रो जीवनको एक महत्त्वपूर्ण भाग हो, केही न केही भइरहन्छ, आलोचना, ट्रोलिङ, तर तपाईंले केवल कोलाहल, नकारात्मकतालाई रोक्नु पर्छ र आफ्नो जीवनमा जे सकारात्मक छ त्यसलाई लिएर अगाडि बढ्नु पर्छ।’ एजेन्सी