डोटीमा बस दुर्घटना ३ काे मृत्यु, ३१ घाइते

काठमाडौं-डोटीमा बस दुर्घटना हुदा ३ जनाकाे मृत्यु भएकाे छ भने ३१ जना घाइते भएका छन् ।

पूर्वीचौकी गाउँपालिका–१ फुलौटमा आज बिहान बस दुर्घटना हुँदा तीन जनाको मृत्यु भएको छ । ३१ जना घाइते भएका हुन् ।

कैलालीबाट अछामका लागि जाँदै गरेको ना ६ ख २५२९ नम्बरको बस बिहान ६ बजे दुर्घटनामा परेको हो ।

दुर्घटनामा परी मृत्यु हुनेको सनाखत नभएको जिल्ला प्रहरी कार्यालय डोटीले जनाएकाे छ ।

वर्षाका कारण सडक चिप्लो भएकाले गाडी दुर्घटना भएको अनुमान लगाईएकाे छ ।  बस सडकबाट ३० मिटर तल खसेको थियो । 

नेपाली सेना, नेपाल प्रहरी तथा सशस्त्र प्रहरीको टोलीले घाइतेहरुको उद्धार गरी जिल्ला अस्पताल डोटीमा उपचारको लागि पठाइएको जिल्ला प्रहरी कार्यालय डोटीले जनाएको छ ।