एनआरएनए फुटाउने कुल आचार्यको सपना पूरा, आरके शर्माको अध्यक्षतामा छुट्टै कार्यसमिति चयन

                                                                        यो समाचार बर्णन मिडियाका प्रधान सम्पदक तथ संचालक नारायण प्रसाद दाहाल ज्युले लेख्नु भएको हो।

काठमाडौं । गैरआवासीय नेपाली संघ(एनआरएनए) फुटाउने कुल आचार्य लगायतको योजना बल्ल सफल भएको छ । नवौँ महाधिवेशनबाटै संस्था कब्जा गर्न सबैप्रकारका हत्कण्डा प्रयोग गरेका आचार्यले त्यतिखेर कुमार पन्तसँग पराजय भोगेका थिए ।

अहिले ११औं महाधिवेशनमा उनी आफू एनआरएनए राजनीतिबाट बाहिरिए पनि यो संस्था सिध्याउने अठोटबाठ भने बाहिरिएका रहेनछन् भन्ने उनले नै प्रमाणित गरेका छन् । विश्वभरबाट अनलाइन भोटिङ र काठमाडौंबाट प्रत्यक्ष मतदान गरेका प्रतिनिधिको जनादेशलाई लत्याउँदै शनिबार अवैध तरिकाले कुल आचार्यकै संयोजन, सहजीकरण र उक्साहटमा राजेन्द्रकुमार (आरके) शर्माको नेतृत्वमा नयाँ कार्यसमिति निर्वाचित भएको घोषणा गरिएको छ ।

तर शक्ति दम्भ र महत्त्वाकांक्षाले लठ्ठिएकाहरु, संस्थालाई विखण्डन गरी छाड्ने कसम खाएकाहरु, निष्ठा र नैतिकता बाँकी नरहेकाहरू त्यो नतिजा जसरी पनि लत्याउने योजनामा थिए । उनीहरू बहाना मात्र खोजिरहेका थिए, संसारभरिका मतदाताको म्यान्डेटलाई पत्रु सावित गर्न । आफ्नो पार्टीको सरकार भएका बेला आफूहरु हार्न नहुने उनीहरुको एक मात्र तर्क थियो । अन्ततः त्यही गरे । 

नयाँ नेतृत्वका लागि डा. बद्री केसी, महेशकुमार श्रेष्ठ, आरके शर्मा र रविना थापा चुनावी प्रतिस्पर्धामा थिए । आरके शर्माको समितिमा उपाध्यक्षमा डा. केशव पौडेल, खगेन्द्र न्यौपाने, राज रेग्मी, नारायण आचार्य, सुनिल शाह, गङ्गाधर गौतम, गोबिन्द श्रेष्ठ(रोविन)लाई तोकिएको छ । महिला उपाध्यक्षमा रोजिना प्रधान राई र युवा उपाध्यक्षमा अबदुल वासिदलाई राखिएको छ । बुद्धिसागर सुवेदीलाई महासचिव भनिएको छ । 

महिला संयोजकमा देविका केसी, युवा संयोजकमा रविन अधिकारी, क्षेत्रीय संयोजकतर्फ युरोपबाट चिन्तामणि सापकोटा, युरोपबाटै क्षेत्रीय उपसंयोजक शंकर डाँगी, भीमसेन थापा र रमेश काफ्ले तोकिएको छ । सम्पूर्ण कार्यसमितिको नामावली अन्तिम टुंगो लागेपछि केही दिनभित्र शपथ कार्यक्रम राखेर काम अघि बढाइने अध्यक्ष शर्माले जानकारी दिए ।