सञ्चारमन्त्री शर्माका सल्लाहकार भण्डारीलाई दूरसञ्चार प्राधिकरणको अध्यक्ष बनाउने तयारी

सरकारले दूरसञ्चार सेवा प्रदायकहरुको नियामक नेपाल दूरसञ्चार प्राधिकरणको रिक्त अध्यक्षमा खुला प्रतिस्पर्धाका लागि आह्वान कागजी प्रक्रिया पुर्याउन गरेको मात्र पाइएको छ । अध्यक्षका लागि २५ जना प्रतिस्पर्धामा छन् ।

भण्डारीलाई अध्यक्ष बनाउनकै लागि शर्माले पुरुषोत्तम खनाललाई राजीनामा दिन लगाएर मैदान खाली गराएकी थिइन् । त्यतिखेर टेरामक्स प्रविधि खरिद, मोबाइल डिभाइस म्यानेजमेन्ट सिस्टम खरिदलगायतको अनियमितताको आरोप खनाललाई पनि लागेकाले राजीनामा दिएको बताइएको थियो । तर, कारण त्यति मात्र नभइ भण्डारीलाई अध्यक्ष बनाउन रहेको पाइएको हो ।

मन्त्रिपरिषद्ले प्राधिकरण अध्यक्ष नियुक्त गर्ने व्यवस्था छ । तर, सञ्चार मन्त्रालयले थालेको प्रक्रियाविरुद्ध सर्वाेच्चमा मुद्दा परिसकेको छ । 

अध्यक्ष पदका लागि दरखास्त आह्वान गर्दा दुरसञ्चार ऐनले योग्यता तोकेका क्षेत्रलाई पाखा लगाउने काम भएको, कानुन, लेखापरीक्षण तथा व्यवस्थापनको क्षेत्रका व्यक्तिलाई पाखा लगाउने उद्देश्य राखी सरकारी वा संस्थानको राजपत्रांकित प्रथम श्रेणी दशौं तह वा सोभन्दा माथिल्लो पदमा काम गरेको व्यक्तिलाई मात्र दरखास्त दिन पाउने व्यवस्था गैरकानुनी भएको रिट निवेदनमा छ ।