विवादास्पद रोज राणा मन्त्री बने, अब पालो मनाङेको

संघीय नेपालमा अनेक रुप देखिन थालेको छ । कुनैबेलाका चर्चित डन, गुण्डा नाइकेहरु अहिले सांसद मात्र होइन मन्त्री बनिरहेका छन् । निकै विवादमा परेका प्रदेश सरकारमा यस्ता विवादास्पद पात्रको राजगज चल्दा आममानसमा झनै नैरस्यता छाएको छ ।

 फिल्म निर्माण र निर्देशनको काम समेत गरेका थापाको डान्सबारसमेत थियो । उनी सुराकी पनि थिए । ०७१ साउन २१ गते काठमाडौंको भीमढुंगा इन्काउन्टरमा एमालेनिकट गुण्डा नाइके दिनेश अधिकारी चरी प्रहरी इन्काउन्टरमा मारिँदा राणाको भूमिका पनि थियो । चरीको सूचना प्रहरीसम्म पुर्‍याउन राणाको भूमिका रहेको भन्दै चरी समूहका अन्य सदस्यले मध्य बानेश्वरमा राणामाथि खुकुरी प्रहार गरेका थिए ।

मन्त्री बन्ने पहिलो प्राथमिकतामा रहेका पाल्पाका वीरबहादुर राना आफ्नो नाम काटेर राणालाई मन्त्री बनाइ्एको हो । लुम्बिनी प्रदेशका कांग्रेस महामन्त्री विक्रम खनालले मुख्यमन्त्रीले पार्टीको प्रदेश समितिलाई बेवास्ता गरेर मनोमानी ढंगले मन्त्रिपरिषद् विस्तार गरिएको बताए ।

अध्यक्ष नेपाल उनलाई मन्त्री बनाउन लबिङमा छन् । मुख्यमन्त्री सुरेन्द्र पाण्डे माधव नेपालको दबाब थेगिरहेका छन् । मन्त्री बन्नका लागि एकीकृत समाजवादीमा प्रवेश गरेका उनलाई मन्त्री बनाउन ८ महिनाअघि भएको सहमति कार्यान्वयन नभएको भनेर अध्यक्ष नेपाल असन्तुष्ट छन् ।