दाङमा लकडाउन एक साता लम्बियो
कोरोना महामारीको कारणले दाङमा लकडाउन थप एक साता लम्बिएको छ ।
कोरोना संकट व्यवस्थापन केन्द्रको आज आइतबार बसेको बैठकले भदौ २२ देखि २८ गतेसम्म लकडाउन थप गर्ने निर्णय गरेको हाे ।
केन्द्रका संयोजक प्रमुख जिल्ला अधिकारी गोबिन्दप्रसाद रिजालले हरेक दिन बिहान ६ देखि १२ बजेसम्म बजार खोल्न पाउने गरी लकडाउन केही खुकुलो पार्ने निर्णय गरेको जानकारी दिएका छन् ।
सार्वजनिक यातायातका साधन भने पूर्णरुपमा बन्द गरिएको छ । निजी सवारी साधन बिहान ६ देखि १२ बजेसम्म जोरबिजोर प्रणालीमा सञ्चालन गर्ने निर्णय भएको रिजालले बताएका छन् ।
बैंक तथा वित्तीय संस्थाहरु बिहान १० देखि १२ बजेसम्म खोल्न पाउने निर्णय गरिएको उनले बताए ।
प्रतिक्रिया