सभापति चयनका लागि निर्वाचन प्रक्रिया सुरु
जेठ ३, २०८१ बिहिबार ०१:०९
बागमती, ३ जेठ : बागमती प्रदेशसभाअन्तर्गतको पाँचवटै विषयगत समितिका सभापति चयन गर्न निर्वाचन प्रक्रिया आजदेखि सुरु हुँदैछ ।
प्रदेशसभाअन्तर्गतको समितिका सभापति पदमा सर्वसम्मतको प्रयास भए पनि दलहरूबीच सहमति हुन नसकेपछि आजदेखि निर्वाचन प्रक्रिया सुरु गर्न लागिएको सभामुख भुवनकुमार पाठकले जानकारी दिनुभयो ।
सभापति चयनका लागि आज निर्वाचन कार्यतालिका सार्वजनिक, भोलि मनोनयन दर्ता र जेठ ५ गते शनिबार मतदान हुनेगरी निर्वाचन प्रक्रिया सुरु गर्न लागिएको उहाँले बताउनुभयो ।
प्रदेशसभाअन्तर्गत प्रदेश मामिला समिति, अर्थ तथा विकास समिति, सार्वजनिक लेखा समिति, शिक्षा, स्वास्थ्य तथा कृषि समिति र उद्योग, पर्यटन तथा वातावरण समिति छ । ती सबै समितिमा लामो समयदेखि सभापति चयन हुन नसक्दा समितिहरूको कामकाज प्रभावित हुँदै आएको छ ।
कुल एक सय १० सदस्यीय बागमती प्रदेशसभामा नेपाली कांग्रेसका ३७, नेपाल कम्युनिष्ट पार्टी (एमाले)का २७, नेपाल कम्युनिष्ट पार्टी (माओवादी केन्द्र)का २१, राष्ट्रिय प्रजातन्त्र पार्टीका १३, नेपाल कम्युनिष्ट पार्टी (एकीकृत समाजवादी)का सात, नेपाल मजदुर किसान पार्टीका तीन र हाम्रो नेपाली पार्टीका दुईजना प्रदेशसभा सदस्य छन् ।
विदेशी मुद्राको विनिमयदर : अस्ट्रेलियन डलर र कुबेती दिनारको मूल्य घट्यो
शुक्रबार तिहारको कुनै पर्व छैनः नेपाल पञ्चाङ्ग निर्णायक विकास समिति
शुक्ला साहित्य राष्ट्रिय पुरस्कार भाषाविद् उपाध्यायलाई
घर खर्च जुटाउन अम्बा बिक्री गरेर नुनतेलको जोहो
टोलटोलमा तिहार विशेष कार्यक्रम : मनोरञ्जनसँगै सामाजिक काम गर्ने उद्देश्य
टोलटोलमा तिहार विशेष कार्यक्रम : मनोरञ्जनसँगै सामाजिक काम गर्ने उद्देश्य
फेसने सहर धरानमा ‘सांस्कृतिक तिहार’
प्रतिक्रिया